Janji

Jungjunan !
Duh tingali bentang mani baranang
Bulan moncorong teu make hahalang

Estu cangra , bengras, atra, jelas
Gening bet beda
Bangbalasana emutan
Lancarna cariosan
Lain mangrupakeun jaminan
Yen anjeun rek satia satuhu
Meureun loba kembang anu herang
Meureun loba kelet nu bisa melet
Anjeun teu tigin kana jangji
Anjeun teu satia kana carita
Sugan teh anjeun moal keuna ku hama
Kuring percaya yen anjeun bakal satia
Di dieu batin kuring ngalayang
Teu puguh di mana muragna
Teu puguh di mana eunteupna